Bakı. Aqşin Əliyev - APA-Sport. Fransanın Boe şəhərində keçirilən kamandan oxatma üzrə Dünya Kubokunun 4-cü mərhələsinə yekun vurulub. “APA-Sport” agentliyinin məlumatına görə, yarışda Azərbaycanın şərəfini qoruyan Emil Akçurin uğursuzluğa düçar olub. Həmyerlimiz öncə təsnifat mərhələsində 155 nəfər arasında 129-cu yeri tutub. Buna baxmayaraq, 27 yaşlı idmançı Pekin Yay Olimpiya Oyunlarına təsnifat xarakterli turnirdə də qüvvəsini sınayıb. E.Akçurin lisenziya yarışının 1/32 finalında venesuelalı Manuel Diasla qarşılaşıb. O, rəqibinə 96:103 hesabı ilə uduzduğundan mübarizəni erkən dayandırıb. Beləliklə, E.Akçurin Pekin Olimpiadasına yollanmaq şansını itirib.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq