Bakı. Aqşin Əliyev - APA-Sport. Beynəlxalq Hokkey Federasiyası (FİH) kişilərdən ibarət otüstü hokkey üzrə milli komandaların növbəti reytinq cədvəlini dərc edib. “APA-Sport” agentliyinin məlumatına görə, Azərbaycan yığması doqquz aylıq fasilədən sonra açıqlanan siyahıda mövqeyini qoruyub. Hesabında 38 xal olan milli komandamız 50-ci pillədə qərarlaşıb. Saleh Hüseynovla Yusif Qasımovun rəhbərlik etdiyi kollektivin reytinq cədvəlində irəliləyə bilməməsinin obyektiv səbəbi var. Belə ki, otüstü hokkeyçilərimiz son vaxtlar beynəlxalq yarışlara qatılmayıblar. 75 komandanın yer aldığı siyahının ilk “üçlüy”ündə dəyişiklik yoxdur. Planetin ən güclü yığması əvvəlki kimi, Avstraliya (1560) hesab olunur. Almaniya 1443 xalla ikinci, Hollandiya isə 1364 xalla üçüncü yeri tutub.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq