“APA-Sport” agentliyinin “Qaliçanka” klubunun rəsmi internet sayına istinadən məlumatına görə, tərəflər bütün məsələlərdə razılığa gəliblər. Ukraynalı mütəxəssis iyulun 5-dən 13-dək İtalyanın Venetsiya şəhərində keçiriləcək tələbələrin dünya çempionatından sonra vətəninə yollanacaq.
G.Voronov isə “APA-Sport” agentliyinə bildirib ki, “Qaliçanka” ilə hələlik rəsmi müqavilə imzalamayıb: “Bu xəbərlə mən də tanışam. Amma məsələ heç də yazıldığı kimi deyil. Baş məşqçi postuna namizədlər arasında mənim də adım var. Hazırda “Qaliçanka” rəhbərliyi ilə danışıqlar gedir. Ukraynada, ailəmin yanında işləməyi çox istərdim. Eyni zamanda, Azərbaycanda da qalmağın əleyhinə deyiləm. Çünki bura gəldiyim gündən hər şey ürəyimcədir. Federasiya rəhbərliyi komanda üçün lazımi şərait yaradıb. Bu məsələlərə tələbələrin dünya çempionatından sonra aydınlıq gələcək”.
Qeyd edək ki, G.Voronov Azərbaycan milli komandasının baza klubu olan ABU-ya da rəhbərlik edir.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib