Bakı Aqşin Əliyev - APA-Sport. Almaniyanın Dortmund şəhərində keçirilən şahmat üzrə sayca 36-cı superturnir başa çatıb. “APA-Sport” agentliyinin məlumatına görə, yarışda
Azərbaycanı Şəhriyar Məmmədyarov təmsil edib. 23 yaşlı beynəlxalq qrossmeysterimiz turnirdə keçirdiyi 7 görüşün 6-da heç-heçə oynayıb. Həmyerlimiz yeganə qələbəni son turda hollandiyalı Luk van Veli üzərində qazanıb. Yekunda Ş.Məmmədyarov 4 xalla Vasili İvançuk (Ukrayna), Yan Nepomnyaşi (Rusiya) və Yan Qustafssonla (Almaniya) birgə 2-5-ci yerləri bölüşdürüb. Superturnirin qalibi macarıstanlı Peter Leko olub (4,5 xal). Almaniyalı Arkadi Naydiç 6-cı, sabiq dünya çempionu Vladimir Kramnik isə 7-ci yerlə kifayətlənib. Yarışda cəmi iki görüşü heç-heçə oynamağı bacaran Luk van Veli axırıncı, 8-ci pillədə qərarlaşıb.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq