Bakı. Aqşin Əliyev - APA-Sport. Azərbaycan futzalçısı Vitali Borisovun şərəfini qoruduğu Rusiyanın “Dina” klubunda baş məşqçi dəyişikliyi olub. “APA-Sport” agentliyinin məlumatına görə, bundan sonra Moskva komandasını Azərbaycan yığmasının sabiq baş məşqçisi Andrey Yudin çalışdıracaq. O, baş məşqçi postunda Aleksandr Verijnikovu əvəzləyib. Klub rəhbərliyinin qərarına əsasən, A.Verijnikova idman direktoru vəzifəsi tapşırılıb.
Qeyd edək ki, 2007-ci ilin dekabrın 13-də AFFA ilə müqavilə imzalamış A.Yudin 3 ay yığmamızın baş məşqçisi olub. Onun rəhbərliyi altında futzalçılarımız müxtəlif turnirlərdə 6 qələbə qazanıb, 1 dəfə məğlubiyyətlə üzləşiblər. Milli komandamız dünya çempionatının seçmə qrup mərhələsini adlaya bilmədiyi üçün AFFA rəsmiləri bu ilin martında A.Yudinlə əməkdaşlığa son qoyublar.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib