Bakı. Elşən Məmmədov – APA-Sport. “Olimpiya Oyunları üçün proqnoz vermək çox çətin məsələdir. Amma mən həmişə proqnoz vermişəm. 2004-cü ildə Afinadan 5 medalla qayıdacağımızı demişdim, düz çıxdı. Pekin Olimpiadasından da ən azı 5 medalla qayıdacağımızı proqnozlaşdırıram”. “APA-Sport” agentliyinin məlumatına görə, bu sözləri jurnalistlərə açıqlamasında Milli Olimpiya Komitəsinin (MOK) vitse-prezidenti Çingiz Hüseynzadə deyib. Ç.Hüseynzadə bildirib ki, 2008-ci il Pekin Yay Olimpiya Oyunlarında qazanılacaq medallar Afina Olimpiadası ilə müqayisədə keyfiyyətcə daha yüksək olmalıdır. MOK rəsmisinin fikrincə, medallar yenə ölkəmiz üçün ənənəvi güləş, cüdo, boks, ağırlıqqaldırma və stend atıcılığı növlərində əldə ediləcək.
Qeyd edək ki, 2004-cü il Afina Olimpiadasında yunan-Roma güləşçimiz Fərid Mansurov qızıl, atıcılarımız Zemfira Meftahəddinova və İradə Aşumova, eləcə də boksçularımız Ağası Məmmədov və Fuad Aslanov bürünc medal qazanmışdılar.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib