Bakı. Kənan Həsənov - APA-Sport. “İrkutsk şəhərində uğurlu çıxış etməyim məndə Pekin olimpiadası ərəfəsində özünəinam hissini artırdı. Axı, bu mənim ilk olimpiadam olacaq”. “APA-Sport” agentliyinin məlumatına görə, bu sözləri Rusiyanın İrkutsk şəhərində keçirilən Dünya kubokunun mərhələ yarışında bürünc medal qazanan bədii gimnastika üzrə Azərbaycan milli komandasının üzvü Dinarə Gimatova söyləyib. Təcrübəli gimnast Pekin olimpiadası ilə bağlı fikirlərini də bölüşüb: “Bizim üçün əsas sağlamlıqdır. Aliyə Qarayeva və ehtiyat gimnast Anna Qurbanova ilə birgə iyulunun 31-dən avqustun 16-dək Yaponiyada təlim-məşq toplanışında olacağıq. Aliyə və qrup hərəkətləri üzrə milli komandamız səhnəyə 8-ci sıra nömrəsi ilə çıxacaqlar. Bu da olimpiadanın keçirildiyi ay və başlama günü ilə üst-üstə düşür. Səkkiz rəqəminin bizə və təşkilatçılara uğur gətirəcəyinə ümid edirəm”.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib