Bakı. Kənan Həsənov - APA-Sport. Türkiyənin Qazinatep şəhərində 20 yaşadək gənclər arasında şahmat üzrə növbəti dünya çempionatı start götürüb. “APA-Sport” agentliyinin məlumatına görə, oğlanların birinciliyində ardıcıl üç oyunda qalib gələn Eltac Səfərli liderliyə yüksəlib. Yeniyetmələr arasında Avropa və dünya çempionu olan həmyerlimiz bu gün IV tur çərçivəsində Amin Bassem (Misir) ilə qarşılaşacaq. Milli komandanın tərkibində Avropa çempionatının bürünc medalını qazanan Rauf Məmmədov və Orxan Abdulov 2, Vasif Durarbəyli ilə Bəhruz Rzayev hərəyə 1 xal toplayıblar. Qızların yarışında üç şahmatçının hesabında 3 xal var ki, onların da ən yaxın izləyicisi Xəyalə İsgəndərovadır (2,5 xal). III turdan sonra Türkan Məmmədyarova 2, Nərmin Kazımova 1,5 xala malikdir. Avqustun 15-də başa çatacaq dünya çempionatının mükafatçıları 13 turun yekununa əsasən müəyyənləşəcək.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib