Lozanna. Elşən Məmmədov - APA-Sport. İsveçrənin Lozanna şəhərində yerləşən İdman-Arbitraj Məhkəməsi (CAS) son bir həftə ərzində üçüncü dəfə Azərbaycan Hokkey Federasiyasının (AzHF) qadınlardan ibarət İspaniya yığması ilə bağlı verdiyi apellyasiyasını rədd edib. “APA-Sport” agentliyinin məlumatına görə, AzHF apreldə Bakıda keçirilmiş 2008-ci il Pekin Yay Olimpiya Oyunlarına lisenziya xarakterli turniri zamanı iki oyunçusu dopinq-testdə ilişən İspaniya millisinin Olimpiadadan kənarlaşdırılmasını tələb edib. Lakin Beynəlxalq Hokkey Federasiyası (FİH) nə oyunçulara, nə də yığma komandaya qarşı sanksiya tətbiq edib. FİH idmançılardan birinin zəhərlənmənin qurbanı olduğu, digərinin isə dopinq-test nümunəsinin dəyişdirildiyi qənaətinə gəlib. Kompromis variant kimi, AzHF millimizin Olimpiadaya əlavə, 13-cü iştirakçı kimi buraxılmasını təklif edib. Lakin bu variant da rədd edilib. Öz növbəsində, CAS FİH-in qərarını dəyişdirməyə lüzum görməyib.
Qeyd edək ki, lisenziya turnirinin finalında Azərbaycan yığması İspaniya millisinə 2:3 hesabı ilə uduzub. Nəticədə Olimpiadaya yeganə vəsiqəni ispaniyalılar qazanıblar.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib