Pekin. Elşən Məmmədov – APA-Sport. Azərbaycan ağırlıqqaldıranı Sərdar Həsənov Pekində keçirilən XXIX Yay Olimpiya Oyunlarında çıxışını başa vurub. «APA-Sport» agentliyinin məlumatına görə, 62 kq çəkidə mübarizə aparan 23 yaşlı ağırlıqqaldıranımız uğursuzluğa düçar olub. S. Həsənov yer aldığı B qrupunda birdən qaldırmada 128 kq nəticə ilə 4-cü yeri tutub. Təkanla qaldırmada isə 152 kq sifariş edən həmyerlimiz hər üç cəhddə bu ağırlığın öhdəsindən gələ bilməyib. Nəticədə o, öz qrupunda 6 idmançı arasında sonuncu olub. Sabah daha iki ağır atletimiz – Turan Mirzəyev və Əfqan Bayramov (hər ikisi 69 kq) mübarizəyə qoşulacaqlar. Hər iki idmançımız A qrupunda çıxış edəcək.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib