Bakı. Kənan Həsənov - APA-Sport. Türkiyənin Qaziantep şəhərində 20 yaşadək şahmatçılar arasında keçirilən dünya çempionatı davam edir. “APA-Sport” agentliyinin məlumatına görə, X turdan sonra Azərbaycan şahmatçılarından ən yaxşı göstərici Eltac Səfərliyə məxsusdur. Yeniyetmələr arasında Avropa və dünya çempionu olan təmsilçimiz hesabat turunda çinli Çao Li ilə heç-heçə oynayıb. E.Səfərli 7 xal toplayıb və liderdən 1 xal geri qalır. Şahmatçımız bu gün XI turda Alexandro Ramireslə (Kosta Riko) qarşılaşacaq. Digər həmyerlilərimizdən Rauf Məmmədov 6,5, Vasif Durarbəyli 6, Orxan Abdulov 5, Bəhruz Rzayev 4 xal yığıb. Qızların yarışına qatılan iki şahmatçımız isə liderlər qrupunda qərarlaşan rəqiblərindən 1,5 xal az toplayıblar. X turdan sonra Türkan Məmmədyarova ilə Nərmin Kazımovanın 6,5 xalı var. Hesabında cəmi 5 xal olan Xəyalə İsgəndərova isə sona iki tur qalmış fəxri kürsüyə yüksəlmək şansını itirib.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib