Bakı. Vüqar Xeyrullayev – APA-Sport. Futzal üzrə Bakıda keçiriləcək UEFA kubokunda iştirak edəcək daha bir komanda müəyyənləşib. “APA-Sport” agentliyinin məlumatına görə, təsnifat mərhələsinin C qrupunda birinci yeri tutan Bolqarıstanın “Nadin” komandası Bakıdakı turnirə vəsiqə qazanıb. “Nadin” futzalçıları İngiltərənin “İpsviç Volvs” komandasının 10:8 və Makedoniyanın “Elita Tetovo” komandasını 5:2 hesabı ilə məğlub edərək seçmə mərhələyə yüksəlib. Bolqarıstan təmsilçisi isə yanaşı, Slovakiyanın «Slov-Matik» və İsveçin «Şkövde» komandaları da Naxçıvanın “Araz” komandası ilə eyni qrupda mübarizə aparacaq. Qeyd edək ki, seçmə mərhələnin ölkəmizdə keçiriləcək qrup oyunları sentyabrın 11-14-də baş tutacaq.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib