Bakı. Kənan Həsənov - APA-Sport. Nyu-York şəhərində “Böyük Dəbilqə” seriyasından olan tennis üzrə ABŞ-ın açıq çempionatında ilk sensasiya qeydə alınıb. “APA-Sport” agentliyinin məlumatına görə, planetin bir nömrəli tennisçisi Ana İvanoviç ikinci mərhələdə mübarizəni dayandırıb. 21 yaşlı serbiyalı idmançı reytinqdə 188-ci olan Jüli Kuenə (Fransa) uduzub - 3:6, 6:4, 3:6. Kişi və qadınlar arasında keçirilən yarışda hələlik başqa sürpriz nəticələr yoxdur. Sentyabrın 7-dək davam edəcək turnirin mükafat fondu 20,7 milyon ABŞ dollarına bərabərdir.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib