Bakı. Kənan Həsənov - APA-Sport. Azərbaycan şahmatçıları İspaniyada təşkil olunan üç beynəlxalq turnirdə çıxış ediblər. “APA-Sport” agentliyinin məlumatına görə, idmançılarımızın hamısı mükafatsız qalıb. Barselona şəhərində keçirilən turnirə qatılan Namiq Quliyev keçirdiyi 10 oyunda 7,5 xal toplayıb və 10-cu yeri tutub. Digər şahmatçılarımız Loğman Quliyev və Rəşad Babayev Kollado Vilalba şəhərində baş tutan yarışda qüvvələrini sınayıblar. Onların hər ikisi 6 xal toplayaraq, müvafiq olaraq, 11-ci və 14-cü pillədə qərarlaşıblar. Beynəlxalq qrossmeysterimiz Azər Mirzəyev isə Barreda şəhərində təşkil edilmiş analoji birincilikdə uğursuzluğa düçar olub. Reytinq favorit olan təmsilçimiz turniri 6 xalla 7-ci sırada başa vurub.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib