Bakı. Mehman Süleymanov - APA-Sport. Milli Basketbol Assosiasiyasının (MBA) super ulduzu Şakil O’Nil karyerasını başa vuracağı vaxtı açıqlayıb. “APA-Sport”un məlumatına görə, idmandan 735 gündən sonra gedəcək basketbolçunun həmin vaxt, yəni 2010-cu ildə klubu “Mayami” ilə müqaviləsinin müddəti başa çatacaq: “Basketbol karyeram 735 gündən sonra başa çatacaq. Ziyalı adamam və həmişə özümə yeni iş taparam. Gücümü polis sahəsində sınamaq istəyirəm”.
Polis xidmətinə daxil olmaq üçün bir neçə ay xüsusi hazırlıq keçəcək 36 yaşlı basketbolçu şerif olmaq arzusundadır.

Qeyd edək ki, dördqat MBA çempionu olan Şakil ABŞ yığmasının heyətində 1994-cü ildə dünya birinciliyinin, bundan iki il sonra Atlanta Olimpiadasının qalibi olub.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib