Bakı - APA-Sport. Bu gün Mingəçevir şəhərindəki “Kür” Təlim-Tədris Mərkəzində yeniyetmələr arasında akademik, kayak və kanoe qayıqlarında avarçəkmə üzrə Azərbaycan birinciliyi start götürüb. Bu haqda “APA-Sport”a Azərbaycan Milli Avarçəkmə Federasiyasının (AMAF) mətbuat xidmətindən məlumat verilib.

Açılış mərasimində çıxış edən AMAF-ın vitse-prezidenti Natiq Abbasov və baş katib Fikrət Zeynalov ölkə birinciliyinin 2010-cu ildə Sinqapurda keçiriləcək Yeniyetmələrin I Yay Olimpiya Oyunlarına hazırlaşacaq milli komandalarımızın formalaşdırılması məqsədilə təşkil olunduğunu bildiriblər. Çempionatda ilk dəfə qız avarçəkənlərin də iştirakı müsbət hal kimi dəyərləndirilib.

Daha sonra Azərbaycanın və AMAF-ın bayrağı qaldırılıb və yarışa start verilib. Sentyabrın 14-dək davam edəcək birincilikdə üç kateqoriya üzrə – 1990-91, 1992-93 və 1994-95-ci il təvəllüdlü idmançılar mübarizə aparırlar.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib