Bakı. Aqşin Əliyev - APA-Sport. Polşanın paytaxtı Varşavada 1989-1993-c il təvəllüdlü cüdoçular arasında Avropa çempionatı keçirilib. “APA-Sport”un məlumatına görə, turnirə 7 oğlan və 3 qızla qatılan Azərbaycan milli komandası 3 medal qazanıb. Həmvətənlərimizdən Elsevər Sadıqzadə (55 kq), Sərxan Əhmədov (66 kq) və Ramin Qurbanov (81 kq) fəxri kürsüyə yüksəlib. Maraqlıdır ki, hər üç idmançımız bürünc mükafatla kifayətlənib. Xanım cüdoçularımız isə etimadları doğrultmayıblar. Yekunda yığmamız medalların əyarına əsasən, 40 kollektiv arasında 18-ci yeri tutub.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib