Bakı. Kənan Həsənov - APA-Sport. Azərbaycanın qadınlardan ibarət həndbol yığmasının baş məşqçisi Georgi Voronovun rəhbərlik etdiyi Ukraynanın “Qaliçanka” klubu Avropa Həndbol Federasiyasının kubokunda mübarizəni erkən dayandırıb. “APA-Sport”un məlumatına görə, ukraynalı mütəxəssisin komandası yarışın ikinci mərhələsində “Rostov-Don”a (Rusiya) məğlub olub.

Qarşılıqlı razılaşmaya əsasən, hər iki oyun Rusiyada təşkil olunub. Azərbaycanlı hakimlər Vaqif Əliyevlə Ələkbər Ağakişiyevin idarə etdiyi qarşılaşmalar meydan sahiblərinin inamlı qələbələri ilə başa çatıb - 34:26; 28:22.

Qeyd edək ki, Voronovun komandası Ukrayna çempionatında qızıl medallar uğrunda mübarizə aparır. Yeddi turdan sonra hesabında 12 xal olan “Qaliçanka” ikinci sırada yer alıb. Voronovun yetirmələrini vahid lider, Ukraynanın baza klubu “Motor”dan cəmi 1 xal ayırır.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib