Qazaxıstanın paytaxtı Astanada AİBA İcraiyyə Komitəsinin iclasından sonra WSB liqasının 2011/2012-ci illər mövsümünün püşkü atılıb. Apasport.az saytının xəbərinə görə, yeni mövsümdən 12 komanda 2 qrupda mübarizə aparacaq.

“Baku Fires” B qrupunda yarışın son qalibi “Paris United”, Çinin “Bejing Dragons”, Türkiyənin “İstanbulls”, ABŞ-ın “Mayami Gallos” və Almaniyanın eyni adlı klubları ilə mübarizə aparacaq.

A qrupunda isə “Pohang Poseidons” (Cənubi Koreya), “Dinamo” (Rusiya), “Mumbai” (Hindistan), Milano Thunder (İtaliya), “Los Angeles Matadors” (ABŞ) və “Astana Arlans” (Qazaxıstan) komandaları yer alıb.

Hər qrupda ilk 4 yeri tutan klublar 1/4 finalda yarışmaq hüququ qazanacaqlar.

Qeyd edək ki, ötən ildən fərqli olaraq, Hindistan və Almaniya təmsilçiləri WSB proyektinə yeni qoşulublar. “Baku Fires” klubu qrup mərhələsində ilk görüşünü doğma divarlar arasında Çinin “Bejing Dragons” komandasına qarşı keçirəcək. Yeni mövsümə noyabrın 11-də start verilməsi nəzərdə tutulub.

Xatırladaq ki, “Baku Fires” klubu ötən il WSB liqasında yarımfinala kimi irəliləsə də, 2 görüşün nəticəsinə əsasən “Paris United”ə məğlub olmuşdu.

• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib