Serbiyanın paytaxtı Belqradda atıcılıq üzrə Avropa çempionatı davam edir. Apasport.az saytının xəbərinə görə, həmyerlimiz İradə Aşumova yarışda uğurla çıxış edərək, 2012-ci il London Yay Olimpiya Oyunlarına vəsiqə qazanıb.

Qitə çempionatında qadınlar arasında pnevmatik tapançadan 25 metr məsafəyə gülləatma yarışlarında Afina Yay Olimpiya Oyunlarının bürünc mükafatçısı Aşumova 6 seriyanın yekununda 577 xal toplayıb. Bu nəticə ilə atıcımız mükafatçılar sırasına düşə bilməsə də, London Olimpiadasına vəsiqəni təmin edib.

Qeyd edək ki, Aşumova London-2012-yə vəsiqə qazanan beşinci idmançımız olub.

• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib