2012-ci ildə keçiriləcək şahmat üzrə dünya tacına iddiaçılarının turnirinin reqlamentinə aydınlıq gəlib. Apasport.az saytının məlumatına görə, bu mötəbər yarışda hər il olduğu kimi, yenə də 8 zəka sahibi mübarizə aparacaq.

Şahmatçılar 2 mərhələdə dünya tacına iddia edə biləcəklər. Belə ki, 3 qrossmeyster bu ilin iyulundan gələn ilin yanvarına kimi ən yüksək xal toplamış şahmatçılar olacaq. Digər 3 şahmatçı isə onlara Dünya kubokunun yekununa əsasən qoşulacaq. Bu mötəbər yarışda mükafatçılar sırasına düşəcək zəka sahibləri iddiaçılar turnirinin iştirakçıları olacaqlar.

Digər 2 vəsiqədən biri Vişvanatan Anand – Boris Gelfand (onlar tac uğrunda bu il finalda oynayacaqlar) qalibinə qismət olacaq. 8-ci iştirakçı isə ev sahibidir.

Beləliklə, Azərbaycan şahmatçıları bu yarışda yenidən iştirak etmək üçün ya reytinq cədvəlində yüksəlməli, ya da Dünya kubokunda medal qazanmalıdırlar.
Qeyd edək ki, iddiaçıların son turnirində həmyerlilərimiz Şəhriyar Məmmədyarov və Teymur Rəcəbov mübarizə aparsalar da, çıxışları uğursuz alındı.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar