Azərbaycan boksçusu Əli İsmayılov peşəkar karyerasını başa vurur. Bu barədə apasport.az saytına məlumatı idmançının özü verib.

Onun sözlərinə görə, karyerasını hansı sahədə davam etdirəcəyinə payızda aydınlıq gələcək. Hazırda istirahət edən İsmayılov vida görüşü də keçirmək fikrindədir: “Təbii ki, istəməzdim ki, məğlubiyyətlə karyeramı başa vuram. Bunun üçün vida görüşü keçirməyi planlaşdırıram. İnşallah bu döyüş yüksək səviyyədə olacaq. Çünki rinqdən qələbə ilə ayrılmaq istəyirəm. Vida görüşümün keçirilmə tarixi dəqiqləşməsə də, bunun dekabrda keçirilməsi nəzərdə tutulub. Bu zaman Bakıya məşhurların gəlişi mümkündür”.

İdmançı bildirib ki, rəqibi çox güman oktyabrda müəyyənləşəcək: “Son döyüşümdə tanınmış boksçuya gücümü göstərmək istəyirəm. Bunun üçün də hələ rəqibin adına aydınlıq gəlməyib. Bunun oktyabra kimi müəyyənləşməsi gözlənilir”.

Qeyd edək ki, İsmayılov peşəkar boksçu kimi keçirdiyi son 4 görüşü məğlubiyyətlə başa vurmuşdu.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar