Əmək və Əhalinin Sosial Müdafiəsi naziri, Azərbaycan Cüdo Federasiyasının prezidenti Fizuli Ələkbərov avqustun 23-dən 28-dək Fransanın paytaxtı Parisdə keçiriləcək London Yay Olimpiya Oyunlarına lisenziya xarakterli dünya çempionatı iştirak edəcək milli komandamızı qəbul edib. Apasport.az saytının məlumatına görə, ölkə rəhbərinin davamlı dəstəyi sayəsində Azərbaycan idmanının yeni inkişaf mərhələsində olduğunu vurğulayan Ələkbərov dünya cüdo ailəsinin fəal üzvünə çevrilən milli cüdo məktəbinin parlaq qələbələr seriyasının yarışdan-yarışa uğurla davam etdirdiyini deyib.

O, tatami ustalarımızın Parisdə də əsl mübarizlik əzmi və peşəkarlıq nümayiş etdirərək ölkəmizin idman şərəfini bir daha yüksəldəcəklərinə, London Yay Olimpiya Oyunlarına lisenziya xallarının sayını artıracaqlarına əminliyini bildirib. Görüşdə cüdoçularımızın çempionatda iştirakı ilə bağlı təşkilati məsələlər ətaflı müzakirə olunub.

Qeyd edək ki, Parisdə Azərbaycanın idman şərəfini Ağayar Axundzadənin rəhbərliyi altında İlqar Müşkiyev, Nicat Şıxəlizadə (hər ikisi 60 kq),Tərlan Kərimov (66 kq), Renat Mirzəliyev (73 kq), Elnur Məmmədli, Elxan Rəcəbli (hər ikisi 81 kq), Elxan Məmmədov (90 kq), Elmar Qasımov (100 kq), Kifayət Qasımova (57 kq) və Ramilə Yusubovaya (63 kq) qoruyacaqlar.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar