Avropa çempionatının 1/4 finalında Azərbaycan boksçusu Elvin İsayevi (60 kq) məğlub edən türkiyəli Fatih Keleş sentyabrda Bakıda keçiriləcək dünya çempionatı ilə bağlı arzularını açıqlayıb. Apasport.az saytının məlumatına görə, Ankarada hakimlərin qeyri-obyektivliyi sayəsində Avropa çempionu adını qazanan idmançı paytaxtımızda da bu uğuru təkrarlayacağına əmindir.

O bildirib ki, əsas hədəfi dünya çempionatında da özünü sübut etməkdir: “Ankarada mənə güvənənləri məyus etməyərək, Avropa çempionu oldum. İndi isə sırada dünya çempionatıdır. İnanıram ki, burada da çempion adını qazanmaqla yanaşı, London-2012-yə lisenziyaya sahib olacağam. Ölkəmi Azərbaycanda lazımınca təmsil edəcəyəm”.

Qeyd edək ki, İsayev – Keleş döyüşü Azərbaycan nümayəndə heyətinin kəskin etirazına səbəb olmuşdu. Qeyri-obyektiv hakimliyə görə, federasiya rəsmiləri Hakimlər Kollegiyasına protest versələr də, bu, qəbul edilməmişdi. Sonda isə türkiyəli boksçu fəxri kürsünün ən yüksək pilləsinə qalxmışdı.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar