Polşanın Çexanov şəhərində keçirilən yeniyetmələrin 9-cu Avropa çempionatında Azərbaycan milli komandası uğurlu çıxışını davam etdirir. Apasport.az saytının məlumatına görə, Allahyar Abışovun (50 kq) 2 bürünc medal qazanmasından sonra Paşa İbrahimli də yığmamıza daha 3 medal qazandırıb.

Belə ki, 16 yaşlı idmançımız möhtəşəm nəticəyə imza ataraq, 56 kq çəki dərəcəsində Avropa çempionu adını qazanıb. O, öncə birdən qaldırma yarışlarında 105 kq çəkini başı üzərinə qaldıraraq, kiçik qızıla layiq görülüb.

Ardınca təkanla qaldırmada 128 kq çəkini ram edərək ikinci kiçik qızıla sahib olub. Yekunda isə 2 hərəkətinə cəminə görə, 233 kq çəkini qaldıran İbrahimli Avropanın ən güclüsü adını qazanıb.

O, ən yaxın izləyicisi – gümüş mükafatçı rusiyalı Asali Abdulahşimovdan 9 kq daha yaxşı nəticə göstərib.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar