“Neftçi”nin yarımmüdafiəçisi Mirhüseyn Seyidov Premyer Liqanın son turunun “Bakı” ilə oyunundan sonra rəqib komandanın futbolçusu Elvin Əliyevlə baş verən olaylarda onun adının hallanmasına münasibət bildirib.
Apasport.az saytının məlumatına görə, gənc futbolçu baş verənlərin onunla bağlı olmadığını bildirib.

Seyidov oyunun gedişində Elvinlə aralarında mübahisə olduğunu bildirsə də, “Bakı”nın futbolçusunun onun haqqında səsləndirdiyi ittihamları qəbul etməyib:

"Oyunun gedişində Elvinlə aramızda mübahisə olub. Amma mən "Bakı" klubunun rəhbərliyinin ünvanına heç bir söz işlətməmişəm. Oyundan sonra baş verən hadisələrin isə mənimlə heç bir əlaqəsi yoxdur. Mən komanda ilə birlikdə avtobusda stadionu tərk etmişəm və onu kimin vurduğundan da xəbərsizəm”.

Hadisənin anlaşılmazlıqdan baş verdiyini söyləyən Seyidov artıq problemin aradan qalxdığını bildirib: “Təbii ki, hər şeyin bu cür alınması çox pis oldu. Matçdan sonra hər iki klubun rəhbərliyi bir araya gələrək, hadisələrə münasibət bildiriblər. Bütün məsələlərə aydınlıq gətirildikdən sonra bu hadisələrin anlaşılmazlıqdan yarandığı təsdiqlənib”.

• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"