Boks üzrə Bakıda keçirilən dünya çempionatının yarımfinalında mübarizə aparacaq ölkələrin siyahısı məlum olub. Apasport.az saytının məlumatına görə, bu siyahıda mundiala qatılan 127 ölkədən cəmi 22-sinin boksçusu yer alıb.

Belə ki, 1/2 finalda ən çox idmançı ilə təmsil olunan ölkə Ukraynadır. Onlar özləri üçün ən azı 5 bürünc medalı təmin ediblər. Qazaxıstan yarımfinalda ukraynalılardan 1 çəki dərəcəsində geri qalıblar. Rusiya, İngiltərə və Kubanın yarımfinala 3 boksçusu yüksəlib.

Yığmamızın Çin, Braziliya, İtaliya və Özbəkistanla bərabər, 2 boksçusu finala çıxmaq uğrunda döyüşə çıxacaq.

Yarımfinalda təmsil olunan ölkələr

Ukrayna – 5
Qazaxıstan – 4
Rusiya, İngiltərə, Kuba – 3
Azərbaycan, Çin, Braziliya, İtaliya, Özbəkistan – 2
Monqolustan, Koreya, İrlandiya, Tacikistan, Yaponiya, Rumıniya, Belarus, ABŞ, Uels, Litva, Hindistan, Almaniya - 1.

Qeyd edək ki, boksçularımızdan Teymur Məmmədov (91 kq) və Məhəmmədrəsul Məcidov (+91) yarımfinalda qüvvəsini sınayacaq.

• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"