Almaniya milli komandasının futbolçusu Miroslav Kloze tarixə düşmək istəyir. Apasport.az saytının məlumatına görə, cari mövsümdən İtaliyanın “Latsio” klubunda oynayan 33 yaşlı hücumçu Bundestimin tarixində ən məhsuldar futbolçu olmağa iddialıdır. Kloze etiraf edib ki, bunu yaxın vaxtda reallaşdırmağa bel bağlayır. Hazırda hesabında 62 qol olan Polşa əsilli futbolçunun yalnız 68 qolu vuran əfsanəvi Herd Müller qabaqlayır: “Müllerin rekordunu qırmaq istəyirəm. Milli komandada gələcəyim necə olacaq? Biz Avro-2012-in seçmə mərhələsini başa vurarıq və onda baş məşqçi ilə bu haqda danışarıq. Mən elə insanam ki, nə vaxt təqaüdə çıxacağımızı altıncı hiss mənə qəbul etdirə bilər. Öz səviyyəmdə oynaya biləcəyim və zədələrdən qaça biləcəyimə qədər yığmanın şərəfini qoruyacağam. İndi özümü həqiqətən yaxşı hiss edirəm”.

Qeyd edək ki, Kloze qollarından 5-i Azərbaycan yığması ilə oyunlarda reallaşdırıb. O, evdə bizə qalib gəldikləri (4:0 və 5:1) görüşlərdə dubl edib, Bakıda ilk matçlarında isə oyunda (2:0) son nöqtəni qoyub. O, yığmamızla son görüşdə fərqlənə bilməyib ki, bu da iyunun 7-də keçirilən oyunda zədə üzündən iştirak etməməyi ilə əlaqədardır.

• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"