Səudiyyə Ərəbistanının Dammam şəhərində davam edən ağır atletika üzrə İslam Ölkələrinin Həmrəylik Oyunlarında daha bir idmançımız körpücük üzərinə çıxıb. Apasport.az saytının məlumatına görə, baş məşqçi Nizami Paşayevin yetirmələrindən Turan Abdullayev nəyə qadir olduğunu nümayiş etdirib.

Lakin 85 kq çəki dərəcəsində ölkəmizin idman şərəfini qoruyan gənc atlet komanda yoldaşlarının uğurunu təkrarlaya bilməyib. Belə ki, birdən qaldırmada 130 kq, təkanla qaldırmada isə 150 kq-ı başı üzərinə qaldıran Turan toplamda 280 kq çəki ilə 5-ci yeri tutub.

Qeyd edək ki, yarışın ilk 2 günündə Paşa İbrahimli, Rauf Nəbiyev (hər ikisi 62 kq) və Firudin Quliyev (69 kq) fəxri kürsüyə yüksəliblər. Onlardan Paşa və Firudin hərəyə 1 böyük və 2 kiçik qızıl medal qazandıqları halda, Rauf 2 hərəkətin cəminə görə 2-ci olub.

• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"