Bakının 2020 Olimpiya və Paralimpiya Oyunlarına namizədləyini dəstəkləmək üçün bir ay öncə başlanan imzatoplama kampaniyası uğurla davam etdirilir. Apasport.az saytının məlumatına görə, artıq kampaniyaya qoşulanların sayı 500 min nəfərə çatıb.

Toplanılan imzaların sayının yarım milyona yüksəlməsi isə “Bakı-2020” layihəsinin Moskvada keçirilən Milli Olimpiya Komitələri Assosiasiyasının (MOKA) Baş Assambleyasındakı təqdimatına təsadüf edib.

Qısa müddət ərzində belə yüksək sayda imzanın toplanmasını şərh edən Bakı-2020 Təşkilat Komitəsinin icraçı-direktoru Könül Nurullayeva bildirib ki, cəmi bir ay müddətində yarım milyon əhalinin Bakının Olimpiya Oyunlarına namizədlik ərizəsini dəstəkləməsi sevindirici haldır: “Bu kampaniyanı uğurla təşkil edən hər kəsə, xüsusən də gənclərimizə çox minnətdaram".

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib