Qadın otüstü hokkey yığmamız baş məşqçi Adil Paşayevin rəhbərliyi altında 18 nəfərlik heyətlə dünən Yaponiyaya yollanıb. Apasport.az saytının xəbərinə görə, səfərdə məqsəd aprelin 25-dən mayın 6-dək Yaponiyanın Kakamegiahara şəhərində keçiriləcək olimpiya təsnifatlı turnirdə iştirak etməkdir.

Turnirdə Azərbaycan da daxil olmaqla 6 komanda London Olimpiadasında iştirak etmək hüququ verən 12-ci (sonuncu) lisenziya uğurunda mübarizə aparacaq. Yığmamız "Gündoğar Ölkə"də yeganə lisenziya uğurunda ev sahibi olan Yaponiya ilə yanaşı, Avstriya, Belarus, Malayziya və Çili ilə mübarizə aparacaq.

Xatırladaq ki, reytinq göstəricisinə görə, Yaponiya yığması turnirin favoriti sayılır, millimiz isə ikincidi.

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib