Azərbaycan 2012-ci il Yay Olimpiya Oyunlarına 42-ci lisenziyasını qazanıb. Apasport.az saytının məlumatına görə, London Olimpiadasına yollanacağı dəqiqləşən növbəti idmançımız yunan-Roma növü üzrə güləş yığmasının üzvü Şalva Qadabadze olub. O, Çində bu gün başa çatacaq olimpiya lisenziya turnirdə finala çıxmaqla, istəyinə çatıb. 96 kq-da güləşən Şalva finala gedən yolda Yevgeni Açkasov (Özbəkistan, 3:0, 0:1, 4:0), Sergey Veroşkin (Ukrayna, 2:1, 1:0), Soso Cabidze (Gürcüstan, 1:0, 2:0) və David Vala (Çili, 1:0, 2:0) məğlub edib. Onun həlledici oyunda rəqibi italiyalı Dayqoro Timoçini olacaq.

Qeyd edək ki, bu, güləşçilərimizin London Olimpiadasına 13-cü lisenziyası olub. Bunadək yunan-Roma növündə Rövşən Bayramov (55 kq), Kamran Məmmədov (60 kq), Emin Əhmədov (74 kq), Salman Təhmasibi (84 kq), sərbəst güləşdə Toğrul Əsgərov (60 kq), Cəbrayıl Həsənov (66 kq), Əşrəf Əliyev (74 kq), Şərif Şərifov (84 kq), Xetaq Qazyumov (90 kq), Cəmaləddin Məhəmmədov (120 kq) və 2 qadın güləşçimiz – Mariya Stadniklə (48 kq) Yuliya Ratkeviç (55 kq) məsul turnirə vəsiqə qazanmışdı.

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib