Mançesterdə keçirilən taekvondo üzrə Avropa çempionatına yekun vurulub. Apasport.az saytının məlumatına görə, yarışda iştirak edən Azərbaycan milli komandası turnirin son gününü medalsız başa vurub.

Belə ki, taekvondoçularımızdan İlkin Şahbazov (74 kq) yarışa inamlı başlayıb. O, ilk döyüşündə isveçli Əşrəf Qatananini 7:3, ardınca böyük britaniyalı Rubin Riçardsı 11:10 hesabı ilə məğlub edib. Lakin İlkin 1/4 finalda türkiyəli Rıdvan Bayquta uduzaraq (6:7) mübarizəni dayandırıb.

London-2012-yə lisenziya qazanmış Fəridə Əzizova (67 kq) da ilk qarşılaşmasını qələbə ilə başa vurub. Lakin təmsilçimiz Yelizaveta Buryaka (Ukrayna) 4:2 hesabı ilə qalib gəlsə də, növbəti mərhələdə xorvatiyalı Petre Matyaseviçə 3:4 hesabı ilə məğlub olub.

İdmançılarımızdan Elvin Məmmədov (68 kq) ilk döyüşündə fransalı Amin Manaiyə, Aygül Abdullayeva isə norveçli Anne Mienneyə uduzublar.

Xatırladaq ki, yarışda yığmamız 2 gümüş medal qazanıb. Millimizin aktivinə medalları Mikayıl Əliyev (54 kq) və Ramin Əzizov (80 kq) yazdırıb.

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib