London-2012-dən sonra Azərbaycanda daha 3 Olimpiya Oyunlarını yayımlayacaq televiziya kanalı məlum olub. Apasport.az saytının məlumatına görə, İctimai Televiziya və Radio Yayımları Şirkəti növbəti 3 Olimpiadanın ölkəmizdə eksklüziv yayım hüququna sahib çıxıb.

Belə ki, SPORTFIVE International S.A. şirkəti ilə əldə olunmuş razılığa əsasən, 2014-cü ildə Rusiyanın Soçi şəhərində təşkil olunacaq XXII Qış Olimpiya Oyunları, həmin il Çinin Nankin şəhərində keçiriləcək Yeniyetmələrin II Olimpiya Oyunları və 2016-cı ildə Braziliyanın Rio-de-Janeyro şəhərində təşkil olunacaq XXXI Yay Olimpiya Oyunları 1-ci Kanal vasitəsilə təqdim olunacaq.

Qeyd edək ki, İctimai Televiziya 2010-cu ildə Vankuver Qış Olimpiadası və Sinqapurda keçirilmiş yeniyetmələrin ilk Olimpiya Oyunlarını yayımlayıb. Bu il Londonda təşkil olunacaq XXX Yay Olimpiya Oyunlarının da eksklüziv yayım hüququ 1-ci Kanala məxsusdur.

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib