Futbol üzrə 2012-ci il Avropa çempionatında ilk 2 günün hakimləri açıqlanıb. Lent.az-ın məlumatına görə, iyunun 8-də Polşa və Yunanıstan arasında keçiriləcək açılış oyununa baş hakim qismində ispaniyalı Karlos Velasko Karbalyo təyinat alıb. Polşanın paytaxtı Varşavadakı Milli stadionda baş tutacaq görüşün startı Bakı vaxtı ilə saat 21:00-da veriləcək. Madridli mühəndis üçün bu, son 13 ayda ikinci nüfuzlu təyinat olacaq. Əvvəllər ona İrlandiyanın paytaxtı Dublində Portuqaliyanın “Portu” və “Braqa” komandaları arasında keçirilmiş Avropa Liqasının final matçı həvalə olunub.


A qrupunun Rusiya və Çexiya arasında Vrotslav şəhərindəki “Meyski” stadionunda keçiriləcək digər matçını ingiltərəli referi Hovard Uebb idarə edəcək. Görüş saat 23:45-də başlanacaq.

İyunun 9-da B qrupunda ilk turun qarşılaşmaları oynanılacaq. Saat 21:00-da başlanacaq Hollandiya – Danimarka matçına sloveniyalı baş hakim Damir Skomina təyinat alıb. Qarşılaşma Ukraynanın Xarkov şəhərindəki “Metallist” stadionunda olacaq. Bu qrupun Almaniya – Portuqaliya oyununa isə fransalı referi Stefan Lannua təyinat alıb. Ukraynanın Lvov şəhərindəki eyni arenada keçiriləcək qarşılaşmaya saat 23:45-də start veriləcək.

Qeyd edək ki, digər oyunların baş hakimləri matçların başlanmasına 2 gün qalmış Bakı vaxtı ilə saat 12:00-da açıqlanacaq. Ümumilikdə 31 matçı 12 referi idarə edəcək. Onların arasında Cüneyt Çakırın başçılıq etdiyi türkiyəli hakimlər briqadası da var.

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib