Polşa Yunanıstanla heç-heçə oynadı, Çexiya darmadağın oldu

09.06.2012 - 00:35

Polşa və Ukraynada futbol üzrə Avropa çempionatına start verilib. Apasport.az saytının xəbərinə görə, ilk oyun günündə meydana A qrupunda yer alan komandalar çıxıblar.

Təşkilatçı ölkələrdən biri Polşa paytaxt Varşavada sabiq qitə çempionu Yunanıstan yığmasını qəbul edib. 2 qolun vurulduğu qarşılaşmada qalib müəyyənləşməyib. Üstəlik, hər iki komanda oyunu azlıqda başa vurub.

Qrupun digər matçı isə daha məhsuldar alınıb. 2014-cü il dünya çempionatının seçmə qrup mərhələsində rəqibimiz olan Rusiya millisi ilk görüşdəcə Çexiyanı ağır məğlubiyyətə uğradıb. Şimal qonşularımızın heyətində Alan Dzaqoyev isə meydanı dublla tərk edib.

8 iyun

AVRO-2012-nin final mərhələsi

Qrup oyunları
I tur
A qrupu

RUSİYA – ÇEXİYA - 4:1
Vrotslav. “Meyski” stadionu
Baş hakim: Hovard Uebb (İngiltərə)
QOLLAR: Dzaqoyev, 14; 79; Şirokov, 23; Pavlyuçenko, 82 - Pilarj,52

RUSİYA: Malofeyev, Anyukov, İqnaşeviç, Jirkov, A.Berezutski, Şirokov, Denisov, Zıryanov, Dzaqoyev, Arşavin (k), Kerjakov.

ÇEXİYA: Çex, Q.Selassie, Kadleç, R.Qubnik, Sivok, Rezek, Rositski (k), Plaşil, Pilarj, İraçek, Baroş.

POLŞA – YUNANISTAN - 1:1
Varşava. Milli stadion. 56070 tamaşaçı
Baş hakim: Karlos Velasko Karbalyo (İspaniya)
QOLLAR: Levandovski, 17 - Salpangidis, 51;
QIRMIZI VƏRƏQƏLƏR: Papastatopulos, 45 (ikinci sarı vərəqə), Şesni (69)
Karagunis 71-ci dəqiqədə penaltidən yararlana bilməyib (qapıçı)

POLŞA: Şensnı, Beniş, Vasilevski, Perkis, Polanski, Pişçek, Rıbus (Titon, 70), Obraniak, Muravski, Blaşikovski, Levandovski

YUNANISTAN: Çalkias, Maniatis, A.Papadopulos (K.Papadopulos, 37), Torosidis, Papastatopulos, Holebas, Karagunis, Ninis (Salpingidis, 46), Katsuranis, Samaras, Gekas (Fortunis, 68).

Bu qrupun növbəti oyunları iyunun 12-də keçiriləəcək.

21:00 Yunanıstan - Çexiya
23:45 Polşa - Rusiya