Mixail Talın xatirəsinə həsr edilmiş şahmat üzrə ənənəvi beynəlxalq turnirdə IV turun oyunları başa çatıb. Apasport.az saytının məlumatına görə, Moskvada keçirilən yarışda azərbaycanlı qrossmeyster Teymur Rəcəbov 1 tur öncə olduğu kimi yenə xal itkisi ilə üzləşib.

O, bu dəfə qara fiqurlarla rusiyalı Aleksandr Morozeviçlə (Rusiya) heç-heçə edib. 1-2-ci yerləri bölüşən zəka sahiblərinin işinə isə rəqiblərinin xal itirməsi yarayıb. Belə ki, baş tutan 5 matçdan 4-də “sülh” bağlanıb.

IV tur
Aleksandr Morozeviç (Rusiya) – Teymur Rəcəbov (Azərbaycan) - 0,5:0,5
Vladimir Kramnik (Rusiya) - Levon Aronyan (Ermənistan) - 0,5:0,5
Maqnus Karlsen (Norveç) - Aleksandr Qrişuk (Rusiya) - 0,5:0,5
Fabiano Karuana (İtaliya) – Yevgeni Tomaşevski (Rusiya) – 1:0
Lük Makşeyn (İngiltərə) – Hikaru Nakamura (ABŞ) - 0,5:0,5

3 turdan sonra turnir cədvəli: Rəcəbov, Morozeviç - 3, Kramnik - 2,5, Karuana, Aronyan, Karlsen - 2, Qrişuk, Nakamura, Makşeyn – 1,5, Tomaşevski – 1.

Qeyd edək ki, Rəcəbov bu gün ağ fiqurlarla Karlsenə qarşı oynayacaq.

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib