“Bu oyunda ikinci addım atmağı istəyirdik və 1/4 finalın qapısını üzümüzə açdıq. Mən hesab edirəm ki, növbəti matçda Danimarkaya qalib gəlməyimiz vacibdir”. Apasport.az saytının məlumatına görə, bu fikirləri Almaniya yığmasının baş məşqçisi Yoahim Löv deyib. Avropa çempionatında hələ ki yüz faizli nəticə göstərən almanlar 1/4 finalın bir addımlığındadır. Bunun üçün Danimarka ilə matçda heç-heçə də yetərlidir. Ancaq Löv qələbə haqda düşünərək, Polşada qalmaq istəyir: “Axı onda heç yeri köçməli olmayacağıq və 1/4 finalı Qdanskda keçirəcəyik. Hər şey öz əlimizdədir. Oyun intensiv və çətin, mübarizənin gərginliyi isə yüksək alındı”.

Almaniyalı mütəxəssis etdiyi dubla oyunun qəhrəmanı olan hücumçu Mario Qomesin rolunu qeyd edib: “Qomesin qolları əla alındı. Onun asan olmayan mövsümdən sonra özünəinam artdı. Bu, onun üçün yaxşı idi. Bastian Şvaynştaygerin oyunu da daha yaxşı alınır. O, fiziki cəhətdən güclüdür və təkbətək aldada bilər”.

Löv matç öncəsi “Çelsi”nin rusiyalı sahibi Roman Abramoviçin onların otelinə gəldiyini söyləyib: “O, Bastianla danışdı və Çempionlar Liqasının final oyununu xatırladılar. Şvaynştayger üçün uğursuz alınan həmin matçı yada saldılar. O da “Çelsi”nin prezidenti təbrik etdi. Görüş isti və dostluq şəraitində keçdi”.

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib