Mixail Talın xatirəsinə həsr edilmiş şahmat üzrə ənənəvi beynəlxalq turnirə yekun vurulub. Apasport.az saytının məlumatına görə, Moskvada keçirilən yarışın son turunda azərbaycanlı qrossmeyster Teymur Rəcəbov xal itkisi ilə üzləşib.

Qara fiqurlarla oynayan həmyerlimiz Hikaru Nakamura (ABŞ) ilə sülh bağlayıb. Lakin Teymur qələbə qazana bilsəydi, ən azı ikinci olacaqdı. Çünki onunla eyni xal toplayan Fabiano Karuana (İtaliya) IX turda uduzub. Məğlubiyyətə baxmayaraq, o, əlavə göstəricilərə görə təmsilçimizi qabaqlayıb, Rəcəbov isə 3-cü yeri tutub. Onun ilk “3-lüyü” qapamasında Maqnus Karlsenin (Norveç) qələbə qazanması da rol oynayıb. Belə ki, dünyanın ən güclü zəka sahibi 1 xal sayəsində çempion adına yiyələnib.

IX tur

Levon Aronyan (Ermənistan) – Fabiano Karuana (İtaliya) – 1:0
Hikaru Nakamura (ABŞ) - Teymur Rəcəbov (Azərbaycan) - 0,5:0,5
Yevgeni Tomaşevski (Rusiya) – Aleksandr Qrişuk (Rusiya) - 0,5:0,5
Lük Makşeyn (İngiltərə) – Maqnus Karlsen (Norveç) – 0:1
Vladimir Kramnik (Rusiya) - Aleksandr Morozeviç (Rusiya) – 0,5:0,5

Yekun turnir cədvəli: Karlsen – 5,5, Karuana, Rəcəbov – 5, Kramnik, Morozeviç, Aronyan, Qrişuk - 4,5, Makşeyn, Nakamura – 4, Tomaşevski – 3,5.

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib