Azərbaycan yığmasının bolqar əsilli 2 ağır atleti – İvan Stoitsov (85 kq) və Veliçko Çolakov (+105) 4 illik fasilədən sonra yenidən körpücük üzərində qüvvəsini sınayıblar. Apasport.az saytının məlumatına görə, iyunun 8-də cəzası bitən milliləşdirilmiş legionerlərimiz Ağır Atletika Federasiyasının açıq kubokunda “tilsimi” qırıblar.

Stoitsov (85 kq) birdən qaldırmada 160 kq, təkanla qaldırmada 200 kq nəticə göstərib. 2004-cü il XXVIII Yay Afina Olimpiya Oyunlarının mükafatçısı Çolakov isə 2 hərəkətin cəmində 410 kq (190 kq +220 kq) çəkini ram edib.

Qeyd edək ki, yarışda yerli və xarici idmançılar mübarizə aparıb. Açıq kubokun qaliblərinə kubok, diplom və qiymətli hədiyyələr təqdim olunub.

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib