Azərbaycan Olimpiya yığmasının güllə atıcısı İradə Aşumova Olimpiadada 2 müxtəlif məsafədə mübarizə aparacaq. Apasport.az saytının məlumatına görə, Afina-2004-ün bürünc mükafatçısı 10 və 25 m məsafələrə tapançadan atəşaçmada mükafatlar uğrunda mübarizə aparacaq.

Snayperimiz iyulun 29-da 10, 2 gün sonra isə digər məsafədə dəqiqliyini yoxlayacaq. Bazar günü Bakı vaxtı ilə 13:00-da başlayacaq ilk yarışın təsnifat mərhələsinə 55 idmançı qatılacaq. Qaliblər isə saat 15:45-də olacaq final mərhələsində müəyyənləşəcək.

Avqustun 1-də finala vəsiqə uğrunda 74 snayper yarışacağından atletlər artıq indidən 2 qrupa bölünüb. Aşumova bu yarımqruplardan birincisində yer alıb ki, həmin 37 idmançı saat 13:00-da hədəf önünə keçəcək. Həlledici mərhələ isə 19:30-da start götürəcək.

• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr