London Olimpiadasında yeganə idman gimnastımız Şakir Şıxəliyev mübarizəyə bu gün başlayıb. Apasport.az saytının məlumatına görə, 21 yaşlı idmançımızın çıxış edəcəyi yarışa Bakı vaxtı ilə saat 14:00-da start verilib.

3 qrupda keçirilən bu idman növündə həmyerlimiz ilk qrupda yer alıb. Onun ümumilikdə 67, qrupda isə 31 rəqibi var.

Təmsilçimiz artıq təsnifat mərhələsindəki 5 növdə çıxışını başa vurub. Onun turnirdəki çıxışı 10,633, sərbəst çıxışı 14,600 xalla qiymətləndirilib. O, artıq at təmrinində də çıxış edərək 12,866 xal qazanıb. Ardından brusda 13,166, tramplindən tullanmada 15,433, brus qollarda 13,666 xal toplayan həmyerlimiz 6 növün cəmində 80,364 xala malikdir. O, bu nəticə ilə hələlik 11-dir.

Qeyd edək ki, təsnifat mərhələsinin yekununda ən günlü 24 gimnast finala yüksələcək.

• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr