London Olimpiadasında çıxışını davam etdirən cüdo üzrə Azərbaycan millisinin daha bir üzvü bu gün tatamiyə çıxıb. Apasport.az saytının məlumatına görə, komandamızın heyətində Elxan Məmmədov (90 kq) mübarizəyə 1/16 finaldan başlayıb.

Onun ilk rəqibi Kristof Lamberti (Almaniya) olub. Həmyerlimiz ilk cəhdində qələbə qazanmaqla, növbəti mərhələyə çıxıb. O, almaniyalı idmançıya qarşı yuko və vazari tətbiq edib.

Elxanın 1/8 finaldakı rəqibi Dae-Nam Sonq (Cənubi Koreya) – Yuan Romero (Uruqvay) cütündə müəyyənləşib. Bu dueldə qələbə qazanan asiyalı cüdoçumuzla güləşib.

Məmmədov uduzaraq, mübarizəni dayandırıb. Bununla da Olimpiadaya yollanan 8 cüdoçumuzdan 7-sinin Vətənə medalsız qayıdacağı rəsmiləşib.

• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr