Əfqanıstan Milli Olimpiya Komitəsi XXX London Yay Olimpiya Oyunlarının startından 6 gün keçdikdən sonra fərqlənəcək idmançıları verəcəyi mükafatı açıqlayıb. Apasport.az saytının məlumatına görə, qurum rəsmisi Məhəmməd Arif Payman Olimpiadada medal qazanacaq idmançıya 20 min ABŞ dolları çatacağını bildirib.

Onun sözlərinə görə, ilk dəfə 1936-cı ildə Almaniyada möhtəşəm yarışda debüt edən atletləri yalnız 4 il öncə Pekində ilk dəfə fəxri kürsüyə yüksəlib. Həmin vaxt medalın əyarı bürünc olub.

Londona 6 idmançı ilə gələn əfqanların heyətində artıq 2-si çıxışını dayandırsa da, Payman medal qazanacaqlarına inanır: “Bizim ən çox ümidimiz taekvondoçularımızadır. Onlara inanırıq. Londonda medal qazanacaq idmançıya dövlət və Olimpiya komitəsi tərəfindən 20 min ABŞ dolları veriləcək”.

• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr