XXX Yay Olimpiya Oyunlarında finala yüksələ bilməyən akademik avarçəkənimiz Nataliya Mustafayeva bu gün Londonda çıxışını yekunlaşdırıb. Apasport.az saytının məlumatına görə, qadınlar arasında 1 nəfərlik qayıqla (W1X) çıxış edən millimizin üzvü B finalında 7-12-ci yerlər uğrunda mübarizə aparıb.

2000 m məsafəyə yarışda Mustafayevanın rəqibləri Marie-Louise Draeger (Almaniya), Frida Svensson (İsveç), Yuliya Levina (Rusiya), Genevra Ston (ABŞ) və Donata Vistartayte (Litva) olub. Təmsilçimiz 2-ci yürüş zolağında yer alıb və yekun nəticədə yarışı 12-ci yerdə bitirib.

Qeyd edək ki, Mustafayevadan 1 gün öncə A finalında mübarizə aparan digər avarçəkənimiz Aleksandr Aleksandrov (M1X) Olimpiadanı 5-ci yerdə başa vurmuşdu.

• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr