XXX London Yay Olimpiya Oyunlarında yeganə azərbaycanlı çapar Camal Rəhimov bu gün mübarizəyə qoşulub. Apasport.az saytının məlumatına görə, 24 yaşlı idmançımız şəxsi konkur yarışlarında özünü yoxlayıb.

O, Olimpiadada 9 yaşlı Uarrior adlı atla çıxış edib. Yarışa 36-cı çıxan Rəhimovun ilk cəhdi cərimə ilə yadda qalıb. Belə ki, təmsilçimiz son maneəni keçərkən 4, vaxta görə isə 1 cərimə xalı ilə cəzalandırılıb. Yekunda Camalın göstəricisi 5 cərixə xalı və 85,09 saniyə olub. Həmyerlimiz bu nəticə ilə Kanada, Misir, Çili və Meksika idmançıları ilə birgə 53-57-ci yerləri böluşdürüb və növbəti mərhələdə yarışmaq hüququ qazanıb. II təsnifat mrəhələsi sabah olacaq.

Qeyd edək ki, ilk təsnifat mərhələsində 75 çapar iştirak edib və onların 63-ü II təsnifat mərhələsinə yüksəlib.

• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr