Azərbaycan Olimpiya yığması itki ilə üzləşib. Apasport.az saytının məlumatına görə, London Olimpiadasında avqustun 7-də podiuma çıxmalı olan Veliçko Çolakov (+105 kq) yarışı tərk etmək məcburiyyətində qalıb.

Buna səbəb bolqarıstanlı ağırlıqqaldıranımızın əlini zədələməsi olub. Nəticədə o yarışla vaxtından əvvəl vidalaşıb.

Beləliklə, Böyük Britaniya paytaxtına 6 idmançı (5 kişi, 1 qadın) ilə yollanan ağırlıqqaldırma üzrə millimizin daha öncə 5 üzvü Olimpiadada çıxış etdiyindən möhtəşəm oyunlar onlar üçün başa çatıb. Təmsilçilərimizdən Valentin Xristov (56 kq) isə hələlik yeganə bürünc medalımızın sahibidir.

• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr