Yunan-Roma güləşi üzrə Azərbaycan yığması London Yay Olimpiya Oyunlarını 5-ci yerdə başa vurub. Apasport.az saytının məlumatına görə, yarışa 5 güləşçi ilə qatılan komandamız 1 gümüş və 1 bürünc qazanmaqla, yalnız 4 ölkədən geri qalıb. Bu da çempionluq sevinci yaşayan yığmalar olub.

7 çəki dərəcəsində yalnız 4 ölkənin himni səslənib ki, İran millisi 3 çempionluqla hamıdan öndə qərarlaşıb. Cənub qonşumuzdan 1 qızıl geri qalan Rusiya 2-ci olub. Cənubi Koreya ilə Kuba isə qazandıqları yeganə medal qızıl olduğu üçün 3-cü pilləni bölüblər.

Ümumilikdə, 17 ölkənin medal qazandığı yunan-Roma güləşində 5-ci yeri 3 yığma ilə bölən millimiz 1-dən artıq mükafat qazanan 8 komandadan biri olub. Ümumi medal sayında Rusiya 5 mükafat qazanmağı bacarıb.

Qeyd edək ki, yığmamızın 2 üzvü - Rövşən Bayramov (55 kq) ikinci, Emin Əhmədov (74 kq) üçüncü yeri tutub. Həsən Əliyev (60 kq), Saman Təhmasibi (84 kq), Şalva Qadabadze (96 kq) isə yarışı mükafatsız bitirib.

Yer	Ölkə	Qızıl	Gümüş	Bürünc	Cəmi
1	İran	3	0	0	3
2	Rusiya	2	1	2	5
3-4	Cənubi Koreya	1	0	0	1
	Kuba	1	0	0	1
5-8	Azərbaycan	0	1	1	2
	Ermənistan	0	1	1	2
	Gürcüstan	0	1	1	2
	Macarıstan	0	1	1	2
9-10	Estoniya	0	1	0	1
	Misir	0	1	0	1
11	İsveç	0	0	2	2
12-17	Fransa	0	0	1	1
	Qazazıstan	0	0	1	1
	Litva	0	0	1	1
	Polşa	0	0	1	1
	Türkiyə	0	0	1	1
	Yaponiya	0	0	1	1

• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr