Azərbaycan idmançıları XXX Yay Olimpiya Oyunlarında qazanılan bürünc mükafatların sayını 4-ə çatdırıb. Apasport.az saytının məlumatına görə, bununla, son 2 Olimpiadanın göstəricisi təkrarlanıb.

Belə ki, 1996-cı ildə bürünc qazanmayan millimiz 2000-ci ildə 1 üçüncülük qazanmışdısa, ardıcıl 3 olimpiadadır ki, belə nəticələrin sayı 4 olur. Afina-2004 və Pekin-2008-dəki kimi, artıq 4 bürüncü olan yığmamız bu sayı artıra da bilər. Ümumilikdə isə 5 Yay Olimpiya Oyunlarında 13 dəfə 3-cü yer bizim idmançıların olub.

Qeyd edək ki, London Olimpiadasında Valentin Xristov ağırlıqqaldırma, Emin Əhmədov yunan-Roma güləşi, Yuluya Ratkeviç qadın güləşi, Teymur Məmmədov isə boksda 3-cü olub.

• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi