“Bizə verilən mükafatlar sanbalı ilə seçilir. Oradakı insanlar bizim Azərbaycanda qalmağımızı istəyirlər”. Apasport.az saytının məlumatına görə, bunu ağırlıqqaldırma üzrə Azərbaycan millisinin məşqçisi Zlatan Vanev deyib.

London-2012-də yığmamıza bürünc medal qazandıran Valentin Xristovun şəxsi məşqçisi Azərbaycana valeh olduğunu gizlətməyib. Bolqarıstanlı mütəxəssis vətənində verdiyi müsahibəsində bildirib ki, millimizə gəlişindən sonra şəraitin necə yaradılmasını görüb: “Düşünürəm ki, yaxınlarda mənə də vətəndaşlıq təklif olunacaq. Orada əla şərait var. Hər cür rahatlığı olan məşq zalına heç də hər ölkədə rast gəlmək olmur. Özü də bu idman qurğusu bizim qaldığımız otelin təxminə 100 metrliyindədir. Azərbaycanda idmana böyük pullar xərcləyirlər. İdmançılarının medal qazanmasını istəyən insanları görməkdən çox məmnunam”.

• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi